السبت، 17 مارس 2012
الجمعة، 16 مارس 2012
الأحد، 12 فبراير 2012
كن أنت الكون - شعر - محمد فتحي عبدالشافي
بين الليل ..
و رشفة شمس الحلم
مثل الرجفة بين الصدر ..
وبين الخنجر في كف الليل المترقب رشفة شمس الحلم ..
لا تركن يوما للرعشة في كف الليل
ف الخنجر يوما قد يسبق تربيت الضوء على كتفيك
و أوار اللحظة لا يقدر الا ان يحرق أضعف أطراف الحبل المشدود على عمرك
فاخلع نعليك وكفكف دمع صهيلك فوق فيافي الهجرة نحو تسرمد اوبتك الحتمية
وارتق آخر حرف في مخمل لغة الأحلام
ما كان لموسى أن يخجل من بنت الشيخ المتقية
فأجر نفسك عشرا
واقطع كف الليل
لا تأمن يوما لعجوز يتردد ما بين حياتك او موتك
يستر كل الخير وكل الشر
يستر عشاقا ولصوصا وذواتا أحلام خافتة و أولى ذبح و دموع
لا تأمن يوما لليل ولو سترك
فاخلع بردة خوفك واقتله بنفس الخنجر
واصعد وسط دخان الفجر جناحا للناس
كن انت الشمس المنتظرة
وارشف انت نبيذ سطوعك فوق الكون
كن أنت الكون ولو وحدك
كن أنت الكون ولا تخجل
كن أنت الكون ولا تخجل ! !!!!!
م ف ع
12 - 2 - 2012
الخميس، 15 ديسمبر 2011
Mohammed Gaballah
بابا حبيبي! قصة قصيرة بقلم/ محمد جاب الله
بسم الله الرحمن الرحيم
بابا حبيبي – وحشتني خالص و نفسي أشوفك.
ماما قالت لي إنك سافرت في مكان بعيد في السما فوق و إحنا مش حنشوفك تاني إلا بعد أيام كتيرة، و كمان مش حنعرف نكلمك.
ماما كانت كل ما أسأل عليك تعيط كتير علشان كده أنا بطلت اسأل بس آخر مرة قلت لها إني لما حأعوز منك حاجة أو توحشني حأكتب ليك جواب و ماما تبعته ليك.
بابا حبيبي أنا شاطرة أوي في المدرسة و دايما بأطلع الأولى على الفصل و المِِِس بتديني هدايا و بتحبني.
بابا حبيبي أنا بأسمع الكلام و بآكل كويس و كمان بأحب أخويا (كريم) و كل ما بيعيط أغني له، بس هو مش بيسكت بسرعة.
بابا حبيبي أنا و ماما و كريم بنحبك أوي – مع السلامة يا بابا علشان أنا داخلة أنام .
بنتك حبيبتك (دودو)
بسم الله الرحمن الرحيم
بابا حبيبي وحشتني خالص و كان نفسي تكون معايا النهاردة
النهاردة يا بابا كان عيد ميلادي رقم 7 و كان معايا ماما و كريم و كمان خالو أحمد و عمو علي و صاحبتي حسناء و كلهم جابوا لي هدايا كتير و حلوة خالص و كمان كان في تورتة كبيرة مكتوب عليها اسمي و فيها شمع و كمان كان طعمها حلو- أنا النهاردة يا بابا كنت مبسوطة و كنت عاوزة أسأل ماما عليك بس كانت حتعيط و ما سألتش و مسكت صورتك و خدتها في حضني و نمت بعد عيد الميلاد و حلمت بيك و كنا بنلعب مع بعض في المراجيح و كان شكلك حلو أوي يا بابا.
بابا حبيبي أنا و ماما و كريم بنحبك أوي – مع السلامة يا بابا علشان رايحة أعمل الواجب بتاع المدرسة
بنتك حبيبتك (دودو)
بسم الله الرحمن الرحيم
بابا حبيبي – وحشتني خالص خالص يا بابا- أنا زعلانة أوي النهاردة يا بابا
ماما خاصمتني النهاردة علشان ما سمعتش كلامها و فتحت الباب و نزلت قدام البيت تحت في الشارع لوحدي من غير ما أقول لها و ماما خافت عليا و بعدين زعقت لي و ضربتني
أنا عارفة إن أنا غلطانة و مش حأعمل كده تاني بس ماما تصالحني علشان أنا ماعنديش بابا و كمان كده مافيش ماما و أنا ما أقدرش أقعد لوحدي في الدنيا- أنا حأبعت الجواب ده مع المِس علشان هي بس اللي بتكلمني دلوقتي.
أنا بأعيط يا بابا جامد جامد و نفسي أشوفك و أسافر عندك علشان أبقى معاك.
حبيبتك (دعاء)
بسم الله الرحمن الرحيم
بابا حبيبي – وحشتني أوي يا بابا و نفسي أشوفك
أنا عرفت كل حاجة خلاص يا بابا و المِس لما شافت الجواب بتاعي اللي أنا كنت بأعيط فيه حضنتني و قالت لي إن إنت خلاص مش معانا يا بابا و إنت خلاص مش عايش زينا- يعني أنا مش حأشوفك تاني خالص و إن المكان اللي إنت فيه مش بتوصل ليه جوابات و كمان قالت لي إن إنت إن شاء الله في الجنة مبسوط و بتشوفني من الجنة فوق و أكتر حاجة تبسطك إن أنا أسمع كلام ماما و أحب أخويا كريم
انا عيطت كتير و بعدين فهمت إن ماما كانت مش عاوزة تزعلني بس خلاص أنا بقيت كبيرة و عندي سبع سنين و نص.
ده يا بابا آخر جواب حأكتبه ليك و حأخليه معايا هنا و لما حأعوز أكلمك حأجيب صورتك و أكلمك و أنا عارفة إنك حتسمعني و تشوفني من الجنة و أنا حأشوفك برضه في الحلم لما أنام و أسمع صوتك و أمسك إيدك و ألعب معاك.
بابا حبيبي أنا بأحبك أوي أوي أوي و ماما و كريم كمان بيحبوك
بنتك حبيبتك (دودو)
Thoughts About Psychiatry خواطر عن الطب النفسي
نور Nour
نور Nour
عيوني توشك ان تدمع
عندما اسمع اسمه في الصباح
او اتخيل بكاؤه وانا بعيد عنه
او صراخه في منتصف الليل
... نــــــــــــور
وعندها اعلم انني اديت واجبي لاجعله حرا
لاوفر عليه 30 سنة من طعم العلقم المر
واجعله يشم الهواء المعطر بالحرية
نور ابني مواطن مصري حر
بالاوراق الرسمية
مواليد 19 مايو 2011
د.أمير يوسف
21-5-2011